RY Jesoa Fahazavana ô,
Ny Endriky ny Ray Tsitoha,
Mazava marina Hianao;
Mba hazavao ny andronay

2.Hianao no Masoandronay,
Ka ampidino aminay
Ny herin’ny Fanahinao
Hitahy sy hanasoa anay

3.Ny Ray Tsitoha isaoranay,
Dia Ray be voninahitra:
Ampitomboyt anatinay
Ny fitiavanay Anao

4.Tariho lalana izahay
Hahafantatra ny sitrakao;
Omeo anay ny herinao
Mba hahazakanay ny manjo

5.Arovy izahay anio
Mba tsy ho resin’i Satana
Ka aoka ny finoanay
No hanompoanay Anao

6.Mamelona ny fanahinay
‘Lay Mofon’aina masina
Izay omenao, Jesoa ô
Ho an’izay matoky Anao

7.Ho faly izahay anio
Hitandrina ny didinao,
Hitana ny Finoana
Handresy izay manohitra

8.He! tonga ny maraina izao
Ka miposaka aminay
Hianao Mazava marina
Sy Zanaky ny Ray Tsitoha

9.Deraina anie ny Ray Tsitoha
Deraina koa ny Zanaka
Sy Parakleto Mains
Dia Trinite Isaorana

Amena