MANAOVA fihiram-baovao
Maneram-bazantany e
Ka arahabao ny Tompontsika
Naterak’i Maria Virijina

2.Jesoa Mpamorona antsika
Dia naka nofo aman-dra
Hanolotra fanatitra
Ho famonjena olona

3.Endrey! vaovao miafina!
Maria ilay Virijina madio
Nomena hery lehibe
Nitoe-jaza masina

4.Ka tonga trano atokana
Nonenan’Andriamnitra
‘Lay kibo sambatra tokoa
Tsy voalotom-pahotana

5.Ny fihinanam-bilona
Nandrian’ny Zaza masina;
Nampinonoin’ny Reniny
‘Lay Mpanome fiainana

6.Nihira tany ny Anjely
Sy nankalaza ny Tsitoha
Ireo mpiandry ondry koa
Nitsaoka ny Mpiandry soa

7.Derainay, Jesoa Hianao
Naterak’i Maria Virijina
Derainay koa ny Ray Tsitoha
Sy ny Fanahy Masina

Amena