RY Jesoa ô, Mpanavotra
Sy Andriky ny Ray Tsitoha
Mitovy voninahitra
Sy fihaviana tokoa

2.Ilay Mazava Hianao
Sy Tokin’olombelona
Tongava re, ka mba tahio
Ny vavakay atao anio

3.Tsarovy ny nandraisanao
Tan-kibon-ndreninao madio
Ny fomban’olombelona
Ka mamonje, ry Tompo ô

4.Ny taona mitsingerina
Mitondra ho anay indray
Ny andro, ka isaoranay
Anao, Mpamonjy tokana

5.Nilaozanao ny Rainao tia
Hizaha ny ondrinao mania;
Ka mankalaza Anao izao
Ny asanao, ry Tompo ô

6.Koa faly izahay anio,
Fa voasasa ka madio;
Ny fonay tsy mba reraka
Fa Hianao no teraka

7.Derainay Jesoa, Hianao
Naterak’i Maria Virijina
Derainay koa ny Ray Tsitoha
Sy ny Fanahy Masina

Amena