HE! Tonga ho antsika

Ny Tompo mora fo

Mpamonjy Havantsika

Ilay mamindra fo;

Andeha mba hifaly

Isika, ry zareo!

Nahazo Mpampifaly

Ka manandrata feo

2.Ry Tompo, Zanahary!

Hihira izahay,

Fa teny mahafaly

No tonga ho anay;

Ny andro famonjena

Izao no sitrakay:

Fanahy manantena

No ifalianay

3.Hajao ny Tompontsika

Mpanjaka lehibe

Andriamanitsika,

Mpanala rofy be

Avia mba hidera

Ry mino tsara fo!

Avia manatera

Ny saotra ao am-po

4.Mpanjakanay! mandraisa

Ny haja entinay

Tsy volamena anefa;

fa saotra aterinay:

Ry Jesoa Tompo soa!

Isaoranay Hianao

Fa lehibe tokoa

Ny voninahitrao.

Amena