RY Andriamani-dehibe,

Mpanao izao rehetra izao,

Ny firenena marobe

Ambany fanapahanao

2.Ny ditran’olombelona

Mikiry tsy hanoa Anao

Ovay ho fanarahana

Izay rehetra sitrakao,

3.Ny avonavon’olona

Manohitra ny tianao,

Ampitsaharo faingana

Mba hampiray ny lovanao

4.Ny fifandirana aminay

Mampidi-pisarahana,

Tapaho re, ry Tomponay,

Hampisy ny firaisana

5.’Zao mponina rehetra izao

Tolory saina marina

Hanaraka ny hatakao,

Mba ho Eklesia masina

6.Ny Trinite Isaorana

Mba ampidino aminay

Firaisam-pihavanana,

Mba hifankatiavanay

Amena