RAHA maizina ny làlana

Jehovah Tompo ô,

Hianao no iankinana,

Hianao no jiroko

2.Tsy hitako izay hanjo

Fa takona amiko

Ny andro sisa iainako

Izay nalahatrao

3.Na mbola ela velona,

Na maty haingana,

Ny zarako voatendrinao,

Tsy te-hifidy aho

4.Fa Kristy ivelomako,

Raha mitoetra;

Ny faty tombon-dahiko,

Fodiana aminao

5.Ny fanompoakao aty

Tsy mahavesatra ahy,

Tsy maika te-hiala aty

Raha tsy antsoinao

6.Raha tapitra ny androko,

Dia tsara lavitra

Ny mody any aminao

Hiala sasatra

7.Ny sitrakao no sitrako,

Jehovah Tompo ô,

Ny teninao andrasako

Hianao no tokiko

Amena