FIZARANA I

RY, Salema volamena,

Ry tanàna feno soa

Voaorina ao ambony

Rafi-bato velona

Voahodidin’ny anjely

Voahaingo fatratra!

2.Indro voaomana izy

Toy ny ampakarina

Ka  mivoaka  ao hitsena

 Ny mpanjaka Tompony

He! Madio manganohano

Lalam-be sy mandany

3.Perla soa sy vavahady

Ka mamirapiratra,

Sy mivoha lalandava

Andro aman-alina:

‘Zay nenjehina tan-tany

Miditra any aminy

4.Voapaika sy voadidy

‘Reo vato velona

Ka nalain’ny Tompon-trano

Tompo-marika mahay,

Handravahana ny Lapa

‘Zay honenan’izy ireo

FIZARANA II

5.Kristy ihany no Fehizoro

Sady Fanorenana

Voahositr’i Jehovah

Hampiray ny manda roa

Izy ihany no Mpiaro

Izy no Ampingany

6.He! henoy ny fihirana

Entin’ny anjely ao

Hiderany ny Tanàna

Tian’Andriamanitra;

Izy Iray kanefa Telo

No derain’ny mponina ao

7.Ry Mpanjaka ô, avia

Ato aminay izao:

Noho ,ny fonao be fitia

Raiso ny mpanomponao:

Aoka re ny famonjenao

Honina ato aminay

8.Aoka ho azonay rehetra

Zavatra angatahinay;

Aoka hiombona anjara

Amin-tSanta izahay,

Hiarahanay manjaka

Aminao mandrakiray,

FARAN’NY FIZARANA ROA

9.Dera, saotra, laza koa,

Ho an’Andriamanitra!

He! Ny Santa sy anjely

No indray miredona,

Mankalaza sy midera

Trinite Isaorana!

Amena