NY lohan’ny Eklesia

Dia Jesoa Tompony

Ny Rano aman-teny

No iorenany;

Nitady azy Izy

Ho ampakariny,

Nalatsany ny Rany

Ho avo-tsoany

2.Na be ny firenena

‘Zay ihaviany,

Iray ny famonjena

Izay inoanay,

Iray ny antenaina,

rehefa mby ary,

Iray ny mofon’aina

Izay fihinany

3.Na dia mba hita aza

Ny fisarahana ao

Na dia tsy manan-daza,

Fa ory sady lao;

Miambina ny Santa

Ka mitaraina hoe:

“Aza ela ry Mpamonjy,

Avia ka mamonje”

4.Tsy ela dia ho hita

Ilay Mpitondra soa;

Tsy ela dia ho vita

Ny ady loza koa;

Ny rafy horeseny,

Ny jaly tapitra,

Ka izy ho tonga eny

Am-pitsaharana

5.Iraisany anefa

Ny Telo ‘Zay Iray,

Sy Santa izay nahefa

Ny ady lasa izay

Ry Tompo hasoavy

Ny fonay olonao,

Ka amin’ny ho avy

Mba raiso ho Anao

Amena