MISY Sakaizan-jazakely

Ary an-danitra,

Sakaiza tsy miova,

Fa tia fatratra:

Ny zavatra rehetra

Miova avokoa,

Fa izy no mitoetra

Maharitra tokoa

2.Ka ny zazakely tsara,

‘Zay tia ny Ray aty

Hiala sasatra any

Ho sambatra tokoa;

Fa afa-pahotana

Sy alahelo koa,

‘Zay tonga amin’i Jesoa

Mpandry ondry soa

3.Misy fitsaharan-jaza

Ary an-danitra,

Ny Tompo no Mpanjaka

Be voninahitra

Aty tsy misy tsara

Hoharina aminy:

Fo faly ravoravo

Izay ananany

4.Misy satro-bolamena

Ary an-danitra

Ka hisatrohan-jaza

Am-pifaliana;

Omen’ny Ray izany

Mba hanehoany

Fa tia ny zaza Izy

‘Zay tena zanany

5.Misy fihirana tsara

Ary an-danitra

Hiraina lalandava

Tsy mahasasatra;

tsy azon’ny anjely

hatao io hira io

fa tsy Mpamonjy azy

Fa Tompo Jesoa tia

6.Misy lamba tsara homena

Ny zazakely soa,

Lokanga volamena

No tendreny koa;

Ry Jesoa, asandrato

Ny zazakelinao,

Ka ento mba hahita

Ny voninahitrao

Amena