AVIA, ry zazakely,

Rankizy, mba avia,

Mahaiza re midera

Ny Tompo be fitia;

Ankizy no nihira

‘Lay fihirana hoe:

“Hosana an’i Kristy,

Mpanjaka lehibe”

2.Antonona sy mety

Ny fiderananareo

Ilay Mpanjakantsika;

Ka manandrata feo,

Miendrika hoderaina

Ny voninahiny,

Fa Izy no Mpamonjy

Antsika zanany

3.He, ry zatovolahy,

Mba mahereza re;

Fa Jesoa koa niasa

Tam-pahasasaram-be;

Ny zazavavy kosa

Ho maotina sy madio

Am-pahamoram-panahy

Sy faharetam-po

4.Tsy ela dia ho hita

Ilay tanàna soa

‘Zay hivorian-jaza

Hifaly avokoa;

Ry Jesoa ô, mba diovy

Ny fon’ny zanakao,

Mba hohirainy any

‘Lay fihiram-baovao

Amena