Ry Ray Tsitoha, Zay namorona

Izao rehetra izao,

Mba mijere ny zanakay aty

‘Zay entina ho Anao;

Tariho hahazoany

Ny famelana ny helony,

Ry Rainay ô!

2.Ry Zanaka, Zay maty ho anay,

Omenay ho Anao

Mba hotrotroinao ny zanakay

Ao amin-tsandrinao;

Aoka izy hotarihina

Hifidy làla-marina,

Ry Jesoa ô!

3.Avia koa, ry Parakleto ô,

Tahio ny zanakao,

Ka alatsaho re ny afonao

Mba hivelomany;

Ka raha mbola zaza izao

Ataovy ho tempolinao,

Fanahy ô!

4.Ry Trinite Isaorana tokoa,

Miteny izahay,

Kanefa Anao ny faherezana

Hanefa teninay,

Koa tanteraho ho anay

‘Zay efa nangatahinay,

Jehovah ô!

Amena