RY Rainay ao ambony

Henoy ny zanakao;

Aidino avy any               

Ny fitahianao;

Mba diovinao ny fonay

Ho mendrika izahay

Hanatitra amin-dera

Ny Eokaristanay

2.Ry Jesoa Kristy Tompo

Tsinjovinao anio;

Indreto ny mahantra

Idino ka vangio;

Hianao no mofon’aina

Ianao dia tsy mandà

Fa manome ny ory

Ny Nofo sy ny Ra

3.Avia, ry Fanahy

Mba raiso ka tahio

Ny fanalamboady

Aterinay anio;

Avia, ka hamasino

Ny fon’ny olonao

Ka ampionony izy

Ambany elatrao

4.Ry Trinité Jehovah,

Tahio ny zanakao,

Fa izy dia mitady

Hiankina aminao

Fa  Hianao no Tompo

Fa Hianao no aronay;

Fa Hianao no toky;

Tsy kivy izahay

Amena