TSAROVANAY izao, Ray be fitia,

Ilay nividy anay tao Kalvary

Ka tonga ato ny Sakaizanay,

Izay mifona ho anay ary;

Atolotra ho Anao ankehitrio

Ilay fanati-tsitrapo madio

2.Jereo, ry Ray, ny Voahosotrao,

Sy izahay voadion’ny Rany soa:

Fa aza heverinao intsony re

Ny helokay mpanota tsy manoa

Fa indro! Avotray mipetraka ao:

Ny nijalian’i kristy Zanakao

3.Izany koa ny entinay anio

Hifona eto anatrehanao;

Izay malalanay, Ray ô, tahio

Ny mahadiso azy mba ovao;

Sao very ilay Lakrona tsy mety lo

Homenao an’izay madio am-po

4.Indreto izahay mba entonao

Ho ao an-tongotrao Mpamonjy ô;

Ka aoka io fihina-masina io

No hanatrehanao anay izao;

Afaho’zay rehetra tsininay,

Mba ahitana Anao rahatrizay

Amena