MBA henoy ny feo mihira

Ao an-dapa masina ao,

Haleloia Haleloia

Ho Anao, ry Tompo ô!

Olona tsy hita isa

Maro toy ny kintana,

Voatafy lamba fotsy

Sy misatroka avana

2.Patriarka sy mpanjaka

Mpanamboa-dàlana

Apostoly sy Profeta

Santa sy Evanjelista

Samy vory ao ireo,

Fa naharitra taty,

Dia midera indray miredona

An’i Kristy Tompony

3.Izy ireo nitondra mafy,

Nefa tsy  natahotra,

Fa ny ran’ny Zanak’ondry

Ory, lao, fadiranovana

Matin-tsabatra, afo koa

Nefa he! Ny herin’i Jesoa

Nandreseny fasana

4.Koa izao manjaka izy

Amim-boninahitra,

Fa nomena hosotroiny

Rano mahavelona;

Azy koa ny fahitana

Ny tarehin-Tompony,

Ka dia azy ho anjara

Fiadana-masina

5.Ry mazava soa indrindra

Sy Imanoelinay,

Lahitokan’ny Tsitoha,

Tena ikambananay

Ny hafenonao aidino

Aminay hitsaohanay

Ray, sy Zanaka, Fanahy

Tompo Zanahary iray

Amena