HE! Miakatra mifaly
Ny Mpandresy lehibe,
Ka mitaingin-drahona Izy
Hiditra ny Lapany
Mba henoy ny Haleloia!
Hiran’ny anjeliny:
He mivoha ny vavahady
Mba hidiran-Tompony

2.Iza moa Ilay niakatra
Amim-pifaliana?
Kapitenim-piadanana
Sady Andriamanitra;
Voahombo teo ka maty,
Nefa velona indray:
Ka izany no nandreseny
Ny devoly rafiny

3.Raha vao hiakatra Izy
Mba handray ny lovany
Nitso-drano ny mpianatra
Vao niala taminy:
Enoka ho antsika Izy
‘Lay mpitoriteny soa
Sy mpanantra ny ratsy,
Lasan’Andriamnitra

4.Izy no Arôna koa
Miditra ny Masina,
Ka manatitra ny Rany
Avotry ny Eklesia;
Jesoa Izy ka mizara
Kanana ho antika re;
Izy Elia ka manolotra
Hasoavan-dehibe

5.Ka ny fomban’olombelona
Dia nakariny ary
Hiarahantsika hipetraka
Sy hifaly aminy:
Olona ilay manjaka
Nefa Andriamanitra,
Olona Ilay niakatra,
Mba hampakatra olona

6.Dera, saotra, laza koa
Ho an’Andriamnitra
Ray tsitoha sy Fanahy,
Ary Kristy Zanaka;
Olombelona sy anjely
No indray miredona,
Hankalaza sy hidera
Trinite isaorana

Amena