AVIA re, ry havana,
Avia mba hisaona isika;
Fa maty ny Mpanavotra:
Voahombo Jesoa Tompontsika!

2.Ny ranomasontsika va
Ho tana tsy hirotsaka
Voahombo mihantona?
Voahombo Jesoa Tompontsika !

3.Ny tongotra aman-tanany
Noboroaham-pantsika,
Ka tena maina tendany:
Voahombo Jesoa Tompontsika!

4.Impito nitenanany
‘Zay tenim-pitiavana,
Ka teo no nifonany:
Voahombo Jesoa Tompontsika!

5.Avia ambanin’ny Lakroa
Mba hanasan’ny ra an-tsika
Mba ho madio am-po tokoa
Voahombo Jesoa Tompontsika!

6.Ny fo mangorakoraka
Ny ria-dranomasonay
Dia tsy holavinao tokoa,
Ry voahombo ho anay

Amena