TOY ny hafaliam-be

Nahitan’ny Magy re

Kintana mamiratra

Tonga mba hitarika;

Aoka ho entina ho Anao

Izahay, ry Tompo ô!

2.Toy ny nankanesany

Tao an-tranon-Tompony,

Mba hanaja fatratra

‘Lay hajaina an-danitra

Aoka hankany Aminao

Izahay, ry Tompo ô!

3.Toy ny nanaterany

Zava-tsoa nentiny,

Aoka mba haterinay

Zava-tsoa azonay

Mba ho fanajana Anao

Jesoa Kristy, Tompo ô!

4.Isan’andro, Jesoa ô!

Enga ka harovanao,

Tsy ho diso lalàna

Na ho tratry ny aizina

Izahay mpanomponao,

Olona voavotrao,

5.Tsy mba misy an-danitra

Hazavam-boaforonao

Masoandro Hianao

Mpanazava marina,

Enga ka hihira ao

Izahay, ry Jesoa ô!

Amena