MARO no tanàna tsara
Nefa Betlehema re,
Nahaterahan’i Jesoa tia,
No dia tsara lavitra

2.Nahagaga re ny kintana
‘Lay namirapiratra
Hanambara fa ny Tompo
Tonga olombelona

3.Indro avy olon-kendry
Mba hanati-javatra:
Zavatra ‘zay mahamety
‘Lehy nanaterana,

4.Famantarana mazava
Fa Mpanjaka lehibe
No lazain’ny volamena
‘Zay nateri-magy re

5.Sady Andriananahary
No lazain’ny manitra,
Ary koa ny miora soa
No milaza olona

6.Laza ho Anao, ry Jesoa
Noderain’ny Magy teo
Ary ho Anao, ry Ray ô,
Sy fanahy Masina

Amena