MBA henoy ny hira hoe:
Voninahitra anie!
Fiadanana aty
Sy fankasitrahana,
mitsangàna, mifalia,
Mihirà, ry olona
Ambarao fa teraka
Kristy ho Mpanavotra
Mba henoy ny hira hoe
Voninahitra anie!

2.Kristy Tompon-danitra
Kristy Andriamanitra
Indro, teraka Hianao
Nantenaina ela izao
Ka nandray ny nofonay
Nefa Zanaharinay
Jesoa mponina taty
Naka ny fomban’olona
Mba henoy ny hira hoe
Voninahitra anie!

3.Arahaba, Kristy ô,
Masoandronay izao,
Arahaba, Mpanasoa
Sy Mpitondra aina koa
Teraka Hianao anio
Ho anay ‘zay tsy madio
Teraka hitsangananay
Mba ho olonao indray
Mba henoy ny hira hoe
Voninahitra anie!

Amena