TONGA ny hariva,
Ka ny aizina
Efa mba madiva
Ho mpanartona,

2.Vorona sy biby
Mba hatory izao,
Fa ny kintan-kely
No hiseho ao

3.Jesoa ô! Tsinjovy,
Ka tahio ‘zahay
Eny, mba arovy
Handry fahizay

4.Zazakely maro
Mba trotroinao;
‘Zay ambony rano
Mba vimbinonao

5.Misy koa marary
Sy tra-doza izao,
aza dia manary,
Tompo ô, vonjeo

6.Maniraha anjely
Mba hiambina
Ahy zazakely
Raha maizina

7.Ary raha maraina
Mba fohazy indray
Ho madio sy tsara
Eo imasonao

8.Dera ho Anao, Ray
Sy ny Zanaka,
Ary ny Fanahy
Mpanamasina

Amena