MPAMONJY ô, mitsangana izahay
Hidera ilay Anara-masinao
Ka mbola handohalika indray
Handraisanay ny fitahianao

2.Raha hody an-tranonay’zahay
Omeo anay ny fiadananao,
Ka mba arovinao ny molotray
‘Zay vao nidera ny Anaranao

3.Mpamonjy ô, ny fiadananao,
Omeo anay anio alina;
Ny hamaizinana dia mba ovao
Ho tonga hazavana marina

4.Arovy izahay mpanomponao,
Tsy ho tra-doza na tra-tahotra;
sahala dia sahala Aminao
Ny hazavana sy ny haizina

5.Ka raha renay tampoka izao
Ny feo mampaka anay hiakatra,
Antsoy zahay hahazo Aminao
Ny fiadanana tanteraka

Amena