Ny vavakay atao aty
Jehovah Tompo ô,
Dia mba henoy izao ary
an-dapa masinao

2.Mpihaino vavaka Hianao,
Malady sofina
Ny vavakay atao dia re
An-tany masina

3.Ny zava-mani-pofonana,
Akarinay aty
Dia vavaka, fifonana,
Ka mba henoy ary

4.Izay irin’ny olonao
Sy angatahiny
Ka hahasoa ny lovanao,
Dia aoka ho azony

5.Mba ahitsio ny vavakay
Atolotra aminao,
mba tsy ho diso hataka
‘Zahay mpanomponao

6.Aza ela re, Jehovah ô,
Henoy ny vavakay;
Faingana re ry Tompo ô,
Valio ny hatakay

Amena