Midera Anao izahay Andriamanitra ô : manaiky Anao ho Tompo izahay

2. Mitsaoka Anao ny tany rehetra: Ray mandrakizay

3. Midera Anao ny Anjely rehetra: ny Lanitra sy ny Heriny rehetra

4. Midera Anao amin’ny feo tsy mitsahatra ny Kerobima sy ny Serafima hoe:

5. Masina, Masina, Masina: Tompo Andriamanitry ny maro

6. Manerana ny lanitra sy ny tany: ny Fiandrianan’ny Voninahitrao

7. Midera Anao: ny fivorian’ny Apostoly malaza

8. Midera Anao: ny fikambanan’ny Profeta tsara

9. Midera Anao: ny hamaroan’ny Maritiora mitafy lamba fotsy

10. Manaiky Anao ny Eklesia masina: manerana izao tontolo izao

11. Ray manana fiandrianana: tsy hita lany

12. Ny Zanakao be voninahitra: sy marina ary lahitokana

13. Ary ny Fanahy Masina: Izay Parakleto

14. HIANAO no Mpanjakan’ny Voninahitra: kristy ô

15. Hianao no Zanaky ny Ray: mandrakizay

16. Raha vao haka ny fomban’olombelona hanavotana azy Hianao: dia tsy nolavinao ny ho ao am-bohoky ny Virijina

17. Rehefa nandresy ny fanindronan’ny fahafatesana Hianao: dia novohanao ny Fanjakan’ny Lanitra hidiran’ny mino rehetra

18. Mipetraka eo ankavanan’Andriamanitra Hianao: ao amin’ny Voninahitry ny Ray

19. Mino izahay fa ho avy Hianao: ho Mpitsara anay

20. Izany no ifonanay Aminao, mba hanampianao ny mpanomponao: izay navotanao tamin’ny Ranao soa indrindra

21. Ataovy isan’ny Santanao izy: any amin’ny voninahitra mandrakizay

22. TOMPO ô, vonjeo ny olonao: ary tahio ny lovanao

23. Manapaha azy: ary asandratro mandrakizay izy

24. Mankalaza Anao: isan’andro isan’andro izahay

25. Ary mitsaoka ny Anaranao: mandrakizay doria

26. Aoka ho sitrakao, Tompo ô: hiaro anay anio tsy hanota

27.Mamindrà fo aminay, Tompo ô: mamindrà fo aminay

28. Tompo ô, aoka ny famindramponao hitoetra aminay : araka ny anantenananay Anao

29. Tompo ô: Hianao no efa nitokiako: aoka aho tsy ho menatra mandrakizay