ANDRIAMANITRA Ray, any an-danitra ô: mamindrà fo aminay mpanota mahantra.
Andriamanitra Ray, any an-danitra ô: mamindrà fo aminay mpanota mahantra.
Andriamanitra Zanaka, Mpanavotra izao tontolo izao ô: mamindrà fo aminay mpanota mahantra.
Andriamanitra Zanaka, Mpanavotra izao tontolo izao ô: mamindrà fo aminay mpanota mahantra.
Andriamanitra Fanahy Masina, avy amin’ny Ray sy ny Zanaka ô: mamindrà fo aminay mpanota mahantra
Andriamanitra Fanahy Masina, avy amin’ny Ray sy ny Zanaka ô: mamindrà fo aminay mpanota mahantra.
Trinite masina, isaorana sy malaza ô, Persona telo nefa Andriamanitra Iray: mamindrà fo aminay mpanota mahantra
Trinité masina, isaorana sy malaza ô, Persona telo nefa Andriamnitra Iray: mamindrà fo aminay mpanota mahatra
Tompo ô, aza mahatsiaro ny fahadisoanay, na ny fahadisoan’ny razanay, ary aza mamaly anay araka ny fahotanay: iantrao izahay, Tompo tsara ô, iantrao ny fahotanay: iantrao izahay, Tompo tsara ô, iantrao ny olonao, izay navotanao tamin’ny ranao soa indrindra, ary aza tezitra aminay mandrakizay.
Iantrao izahay, Tompo tsara ô
Amin’ny faharatsiana sy ny loza rehetra; amin’ny fahotana, amin’ny fitaky ny devoly sy ny fameliny anay; amin’ny fahatezeranao, ary amin’ny fanamelohana mandrakizay
Manafaha anay, Tompo tsara ô
Amin’ny fahamaizinan-tsaina rehetra; amin’ny fiavonavonana, amin’ny faniriana laza foana sy ny fihatsarambelatsihy, amin’ny fialonana, sy ny fankahalana, sy ny lolom-po, ary ny tsi-fitiavana rehetra.
Manafaha anay, Tompo tsara ô
Amin’ny fijangajangana, sy ny fahamamoana, ary ny fahotana hafa mahafaty rehetra; ary amin’ny fitaka rehetra ataon’izao tontolo izao, sy ny nofo, ary ny devoly
Manafaha anay, Tompo tsara ô
Amin’ny varatra sy ny tafio-drivotra; amin’ny areti-mifindra sy ny mosary; amin’ny ady sy ny vonoan’olona, ary amin’ny fahafatesana tampoka.
Manafaha anay, Tompo tsara ô
Amin’ny teti-dratsy, sy ny fikomiana rehetra: amin’ny fampianarana tsy marina rehetra, sy ny heresy, ary ny fisarahana amin’ny Eklesia; amin’ny fahamafiam-po, ary amin’ny fanamavoana ny teninao sy ny didinao.
Manafaha any Tompo tsara ô
Noho ny nakanao ny fomban’olombelona; noho Hianao nateraka sy noforana; noho Hianao natao batisa sy nifady, ary nalaim-panahy
Manafaha anay Tompo tsara ô
Noho Hianao fadiranovana sy nivoa-dinitra nisy ra: noho Hianao nihantona teo amin’ny Hazo fijaliana sy niaritra fahoriana be,noho Hianao maty sy nalevina; noho Hianao nitsangana tamin’ny maty, sy niakatra any an-danitra; ary noho ny Fanahy Masina tafidina.
Manafaha anay, Tompo tsara ô
Amin’ny andro mahory; amin’ny andro mahafaly; amin’ny andro hahafatesanay, ary amin’ny andro fitsarana
Manafaha anay Tompo tsara ô
Izahay mpanota mifona aminao, Tompo Andriamanitra ô, mihainoa anay; ary aoka mba ho sitrakao hitarika ny Eklesianao Masina Katolika amin’ny làlanao marina;
Mihainoa anay, Tompo tsara ô
Aoka ho sitrakao mba hanazava ny sain’ny Eveka sy ny Presbytera ary ny Diakona, mba hahalalany marina ny Teninao, ka hanambarany sy hanehoany izany amin’ny tori-teniny sy ny fitondran-tenany:
Mihainoa anay, Tompo tsara ô
Aoka ho sitrakao mba hampandroso ny raharahan’ny Eklesianao manerana izao tontolo izao ka haniraka mpiasa ho ao an-tanimbolinao;
Mihainoa anay, Tompo tsara ô
Aoka ho sitrakao mba hitahy ny Fanjakana izay mitondra anay, indrindra fa ny Prezidà sy ny manam-pahefana rehetra:
Mihanoa anay Tompo tsara ô
Aoka ho sitrakao mba hanome fahazavan-tsaina sy fahendrena ny Mpitsara ary hanoma azy fahasoavana mba hanaovany ny marina
Mihainoa anay Tompo tsara ô
Aoka ho sitrakao mba hitahy sy hitandrina ny olonao rehetra:
Mihainoa anay Tompo tsara ô
Aoka ho sitrakao mba hanome ny firenena rehetra firaisana, sy fiadanana, ary fifankatiavana
Mihainoa anay Tompo tsara ô
Aoka ho sitrakao mba hanome anay fo tia sy matahotra Anao, ary mazotoa manaraka ny Didinao
Mihainoa anay Tompo tsara ô
Aoka ho sitrakao mba hanome ny olona rehetra fitomboam-pahasoavana, hihainoany ny teninao amin’ny fanetren-tena, sy handraisany azy amin’ny fitiavana madio, ary hahavokarany ny vokatry ny Fanahy
Mihainoa anay Tompo tsara ô
Aoka ho sitrakao mba hamerina ho amin’ny làlana marina izay rehetra efa nania sy voafitaka:
Mihainoa anay Tompo tsara ô
Aoka ho sitrakao mba hanatanjaka izay rehetra mijoro tsara; ary hampionona sy hanampy izay kivy fo; ary hanangana izay potraka; ary hanorotoro an’I Satana eo ambanin’ny tongotray amin’ny farany:
Mihainoa anay Tompo tsara ô
Aoka ho sitrakao mba hamonjy sy hanampy ary hampionona izay rehetra mahantra ary zoim-pahoriana:
Mihainoa anay Tompo tsara ô
Aoka ho sitrakao mba hitahy ny mpandeha rehetra na eny an-tanety, na ny eny ambony rano, na ny eny amin’ny habakabaka; sy ny vehivavy rehetra raha miteraka, sy ny olona marary rehetra, sy ny zaza-madinika rehetra; ary hamindra fo amin’ny ao an-tranomaizina sy ny babo rehetra:
Mihainoa anay, Tompo tsara ô
Aoka ho sitrakao mba hiaro sy hamelona ny kamboty, sy ny mpitondratena, ary izay rehetra manirery sy ory;
Mihainoa anay, Tompo tsara ô
Aoka ho sitrakao mba hitarika ny fon’ny olona hiantra ny biby fiompy izay noforoninao;
Mihainoa anay Tompo tsara ô
Aoka ho sitrakao mba hamindra fo amin’ny olona rehetra
Mihainoa any Tompo tsara ô
Aoka ho sitrakao mba hamela ny heloky ny fahavalonay, ny mpanenjika anay, sy ny mpifosa anay, ary mba hanova ny fony;
Mihainoa anay Tompo tsara ô
Aoka ho sitrakao mba hanome anay ny vokatry ny tany samy araka ny karazany avy, hiaininanay aminy lalandava
Mihainoa anay Tompo tsara ô
Aoka ho sitrakao mba hanome anay fibebahana marina; sady mba hamela ny fahotanay rehetra, sy ny tsi-fitandremanay, ary ny tsi-fahalalana ka hampidina aminay ny fahasoavan’ny Fanahinao Masina, hanitsianay ny fitondrantenanay araka ny Teninao Masina:
Mihainoa anay Tompo tsara ô
Zanak’Andriamanitra ô: mihainoa anay
Zanak’Andriamanitra ô: mihainoa anay
Zanak’ondrin’Andriamanitra ô: izay manaisotra ny fahotan’izao tontolo izao;
Omeo anay ny fiadananao
Zank’ondrin’Andriamanitra ô; izay manaisotra ny fahotan’izao tontolo izao
Mamindrà fo aminay
Kristyô mihainoa anay
Kristy ô mihainoa anay
Tompo ô mamindrà fo aminay
Tompo ô mamindrà foaminay
Kristy ô mamindrà fo aminay
Kristy ô mamindrà fo aminay
Tompo ô mamindrà fo aminay
Tompo ô mamindrà foaminay
Dia hiara-manao ny Fivavahan’ny Tompo ny Ministera sy ny mpiangona
RAINAY Izay any an-danitra, Hohamasinina anie ny Anaranao: Ho tonga anie ny fanjakanao: Hatao anie ny sitraponao: Ety an-tany tahaka ny any an-danitra. Omeo anay anio izay hanina sahaza ho anay. Ary mamelà ny helokay, tahaka ny amelanay izay meloka aminay. Ary aza mitondra anay amin’ny fakam-panahy: Fa manafaha anay amin’ny ratsy. Amena
Ministera
Tompo ô, aza manao aminay araka ny fahotanay
Valiny
Ary aza mamaly anay araka ny helokay
Aoka isika hivavaka
ANDRIAMANITRA, Ray mamindra fo ô, Hianao tsy manamavo ny fisentoan’ny fo mangorakoraka, sy fanirian’ny malahelo. Atreho amin’ny famindram-ponao ny vavaka ataonay aminao noho ny fahoriana rehetra mahazo anay; ary henoy amin’ny fiantranao izahay, mba ho tonga tsinotsinona ny hevi-petsy izay ataon’ny devoly na ny olona misakana anay; ary aoka hofoanan’ny fitondranao tsara izany; mba tsy ho resin’ny fanenjehana akory izahay mpanomponao, ka dia hisaotra Anao mandrakariva eo amin’ny Eklesianao masina; amin’ny alalan’i Jesoa Kristy Tomponay Amena
Tompo ô, mitsangàna, ka ampio izahay, ary afaho noho ny Anaranao
ANDRIAMANITRA ô, efa ren’ny sofinay, ary nambaran’ny razanay taminay: ny asa malaza nataonao tamin’ny androny, dia tamin’ny andro fahiny
Ho an’ny Ray sy ny Zanaka: ary ny Fanahy Masina anie ny voninahitra:
Tahaka ny hatramin’ny taloha, sy ankehitriny: ary mandrakariva ho amndrakizay, doria. amena
Dia hataon’izy rehetra hoe
Tompo ô, mitsangàna, ka ampio izahay ary afaho noho ny voninahitrao
Ministera
Arovy amin’ny fahavalonay izahay, Kristy ô
Tsinjovy amin’ny fahasoavanao ny fahorianay
Jereo amin’ny fiantranao ny alahelon’ny fonay
Mamelà amin’ny famindramponao ny fahotan’ny olonao
Henoy amin’ny fitiavanao sy ny famindramponao ny fivavahana ataonay
Zanak’i Davida ô, mamindra fo aminay
Aoka ho sitrakao hihaino anay ankehitriny sy mandrakizay, Kristy ô
Henoy amin’ny fahasoavanao izahay, Kristy ô, henoy amin’ny fahasoavanao izahay, Kristy Tompo ô
Ministera
Tompo ô, aoka ny famindramponao hitoetra aminay
Valiny
Araka ny itokianay Anao
Aoka isika hivavaka
MIFONA aminao amim-panetrentana izahay, Ray ô, jereo amin’ny famindramponao ny fahalemenay; ary noho ny voninahitry ny Anaranao, aza avela hihatra aminay ireo loza ireo, izay tokony hahazo anay marimarina; ary aoka hatoky sy hanantena ny famindramponao izahay amin’ny fahorianay rehetra, ka hanompo Anao mandrakariva amin’ny fitondran-tena masina sy madio, ho lazanao sy voninahitrao; amin’ny alalan’i Jesoa Kristy, Mpanalalana tokana sy Mpisolo-vava anay. Amena.