Araka ny fanao dia hankao am-piangonana ny vehivavy rehefa avy nifana, ka handohalika ny Presbytera, izay hanao hoe:

SATRIA efa sitrak’Andriamanitra Tsitoha noho ny hfahatsarany, hanafaka anao soa aman-tsara ka efa niaro anao tamin’ny ady mafy izay momba ny fiterahana; koa dia tokony hisaotra an’Andriamanitra amin’ny fonaoIanao ka hanao hoe:

(Dia hovakian’ny Presbytera ny salamo 116)

Salamo 116  Na Salamo 127

Dia hataon’ny Presbytera hoe:

Aoka isika hivavaka,

Tompo ô mamindra fo aminay

Kristy ô, mamindra fo aminay

Tompo ô, mamindra fo aminay

RAINAY Izay any an-danitra. Hohamasinina anie ny Anarano: Ho tonga anie ny fanjakanao Hatao anie ny sitraponao: Ety an-tany tahaka ny any an-danitra. Omeo anay anio izay hanina sahaza ho anay. Ary mamelà ny helokay tahaka ny amelanay izay meloka aminay. Ary aza mitondra anay ho amin’ny fakam-panahy, fa manafaha anay amin’ny ratsy. Fa Anao ny fanjakana sy ny hery ary ny voninahitra, mandrakizay Amena

Ministera.Tompo ô, vonjeo ity mpanompovavinao ity:

Valiny.Izy matoky Anao

Ministera.Aoka ho tilikambo fiarovana azy anie HIanao

Valiny.Handosirany ny fahavalony

Ministera.Tompo ô, henoy ny fivavahanay

Valiny.Ary aoka ny fitarainanay ho tonga any aminao

Ministera.Aoka isika hivavaka

ANDRIAMANITRA Tsitoha ô, misaotra Anao  amin’ny fanetren-tena izahay, satria efa sitrakao hanafaka ity mpanompovavinao ity tamin’ny fanaintainana momba ny fiterahana; ary mifona aminao izahay, Ray mamindra fo ô, aoka izy hohamasinin’ny fahasoavanao mba hitondratena tsara ka andeha araka ny sitraponao amin’izao fiainana izao, hahazoany ny voninahitra amandrakizay amin’ny fiainana ho avy; amin’ny alalan’i Jesoa Kristy Tomponay Amena

Ary ny vehivavy izay manao fisaorana, dia tokony hanao rakitra: ary raha misy Komoniona Masina atao, dia mety raha mandray izy.