Fiverenena: Tiako ny hiaraka Aminao, Jesoa,
N’aiza n’aiza hitondranao ahy
Tiako no hiraka Aminao, Jesoa,
Fa Ianao no miantso ahy!

1.Hiaraka aminao aho, ô ry Jesoa Tompoko,
Tsy manana olon-kafa aho fa ianao no fiainako
Hanara-dia anao: ‘zay no faniriako
Hifikitra aminao aho, Jesoa!

2.Hiaraka aminao aho, ö ry Jesoa Tompoko,
Hitory teny sao amin’ireo havako
Hanara-dia anao; ‘zay no faniriako
Hanohy ny asanao aho, Jesoa!

3.Hiaraka aminao aho, ô ry Jesoa Tompoko,
ho zary Famonjena anie ny fahoriako
Hanara-dia anao: ‘zay no faniriako
Hifantsika aminao aho,n Jesoa!

4.Hiaraka aminao aho, ô ry Jesoa Tompoko
Hibanjina ny Ray Tompo Andriamanitro
Hanara-dia anao; ‘zay no faniriako
‘Zay misy anao no hisy ahy, Jesoa !