Ry Ray Tsitoha Ianao
Moa manatreha anay izao
Ry Jesoa ô, malalany
Henoy ny fivavahanay

2.Fanahy Masina o, avia
Ka mba tarihonao ny dia
Ny fikambananay anie
Harovanao ry Trinite

3.Ny tokan-tranonay jereo
Ny fahavalonay reseo
Ka ny mpivady tafaray
Hiadana mandrakizay

4.Arovy mba hifanasoa
Ny lahy sy ny vavy koa
Hanaja ny voadiny
Ka mba ho tia ny vadiny

5.Tolory saina fahendrena
‘Zahay mpitaiza firenena
Ho renin-jaza mba mahay
Mitaiza ny taranakay

6.Maria Magdalena koa
Navotanao ry Jesoa soa
Ka mba omeo fisainana
Ireo maloto fiainana

7.Ny fangatahany valio
Ka amorony fo madio
Ho be fitia, hanetry tena
Ny RENIN-JAZAM-PIRENENA

Amena