Ry Betlehema kely ô,
Sondrian-tory ve?
Kanefa injay miseho ao
Ny hazavana be!
Ny toky sy ny tahotra
Mihainoa ankehitrio,
Fa Kristy ‘Lay Mpanavotra
No teraka anio

2.Ry Kintana marina ô,
Fitarik’andro koa!
Torio fa tonga aty izao
Ilay Mpanjaka Soa
Ka he! Ny voninahitra
An’Andriamnitra
Fiadanana tsy tapitra
Ho an’ny olona?

3.Endrey! mangina fatratra
Ny fampidinana
Ny fitahian-danitra
Am-pon’ny olona!
Tsy misy tabataba re
Na horakoraka
Kanefa Kristy tonga anie
Am-po mangoraka

4.Rankizy hendry sy madio,
Tsarovy Kristy izao
Fa Izy tonga anio
Mba ho Mpamonjinao
Na misy aza izay manjo
Izao Noely izao
No saino fatratra ao am-po
Hampionona anao

5.Ry Zaza Masina sy Soa
Ry Zanak’i Maria
Ry Tomponay Mpamonjy koa
Midina re aty!
Renay ny hiran’ny Anjely
Indray Noely izay,
Milaza Anao Imanoely
Ka dia momba anay