MIDERA, ry Kristiana
Miaramila hianao
Manaraha an’i Kristy
Izy no Mpanjakanao

2.Maizina ny toetr’andro
Sarotra ny làlana;
Sy ny fahazavan’i Kristy
Dia mahazava anao

3.Tsy irery ihany akory
Hianao, fa maro be
Sy sakaizanao rehetra
Miara-miady aminao

4.Fa ny Kristiana rehetra
Dia namanao tokoa
Ary mifanampy izy
Amin’ny ady masina

5.Indro, ny Lakroan’i Kristy
Dia ny Saina lehibe,
Handresenao ny devoly,
Rafy mankahala anao

6.Entinao ‘lay Sainti Kristy
Ry miaramila ô
‘Zay nataon’ny Presbytera
Tamin’ny Batisanao

7.Mandrosoa, ry Kristiana,
Mandehana faingana,
Manohera an’i Satana
Mandrese ny heriny

8.Miezaha ankehitriny
Mba ho miendrika hianao
Ho mpanompo tena tiany,
Amin’ny fitiainanao

9.Raha tapitra ny ady
Sy ny fara-dianao
Dia horaisin’ny Mpanjaka
Ny miaramilanay

Amena