RY Jesoa Kristy be fitia
Mpanjakan’ny anjely ô
He! Mamy ny Anaranao
Na am-bava na an-tsofina

2.Fisotro masina tokoa
Sy Mofon’aina Hianao
Tsy misy irinay tahaka Anao
Ry Jesoa ô, Fiainanay

3.Ry Jesoa ô, malalanay
Henoy ny fisentoanay
Ny fonay sy ny sainay koa
No anirianay Anao

4.Ry Tompo mitoera ary
Ka hazavao ‘zahay izao,
Esory koa ny aizina
Ka hasoavy izahay

5.Ry Jesoa Zanak’i Maria
Hianao ihany no tianay
Anao ny voninahitra
Ny hery sy ny Fanjakana

Amena