Ry Jesoa fahamarinana ô
Hianao ihany no manome
Ny valisoa ho an’izay
Maharitra manompo Anao

2.Ny Santanao tsaroanay
Dia faly ao an-danitra
Ka aoka izy hivavaka
Mba hamelana helokay

3.Ny taona mitsiongerina
Mitondra ho anay indray
Ny andro fahatsiarovana
‘Lay lehilahy masina

4.Raha mbola velona tety
Nataonay tsinotsinona
Izay rehetra mahavoa
Fa tiany sy zava-tsoa

5.Hianao no nitokiany,
Ry Jesoa Kristy tsara ô
Ka nofoanany tokoa,
Ny herin’ny mpamitaka

6.Naharitra nivavaka izy,
Nitandrina ny didinao;
Ka azony izao ary
Anjara-fifaliana

7.Dia noho ny fitandremanao
Ny Festan’ilay Santanao
Mba hamelà ny helokay
Ho afa-trosa izahay

8.Deraina anie ny Ray Tsitoha
Deraina koa ny Zanaka
Sy Parakleto Masina,
Dia Trinité Isaorana

Amena