MPANJAKA ao an-danitra ô,
Mpanavotra ny olonao
Anao ny voninahitra
Fa resinao ny fasana

2.Tafatsangana Hianaro ary
Voantson’Andriamnitra
Handray ny fahefana be,
Hanapaka ny firenena

3.Ankalazain’ny olona
Sy ny anjely Hianao
Fa angovitan’i Satana
‘Zay noresen’ny herinao

4.Anjely dia talanjona
Nahita Anao nasandratra
Fa tonga nofo Hianao
Mba hanadio ny nofonay

5.Ry Jesoa Valisoanay,
Mpanjakan’ny voaforonao;
Hianao nohifalianay
Hafoy ny zava-poana

6.Mifona aminao ‘zahay
Mba mamelà ny helokay
Omeo ny herinao ‘zahay
Mba hisandratanay ary

7.Ka raha tonga aty indray
Hianao Mpitsara olona,
Horaisinao anie ‘zahay
Hisatro-boninahitra

8.Ny dera, laza ho Anao
Ry Jesoa ‘zay tafakatra
Derainay koa ny Ray Tsitoha
Sy ny Fanahy Masina

Amena