TAFITA voadio isika,
Ny lamba nofotsiana
No fitafiantsika izao,
Amim-panasan’ny Tompontsika

2.Fa Izy be fitiavana
Nandatsa ny Rany Soa:
Nanolotra ny Tenany
Fanati-pisoronana

3.Tsarovy varavarana
‘Zay notentenan-dra taloha,
Ny rano voasaraka
Ny fahavalo efa lao

4.Izao no Paska marina,
Dia Jesoa Kristy Tompontsika
Omena antsika olony
Fihina-masina tokoa

5.Ry Zanak’ondry marina,
Satana efa resinao,
Namoha ny fasana Hianao
Ka velona mandrakizay

6.Nitsangana ny Tompontsika
Mpandresy Helo sy Satana
Ka niditra ny lanitra
Handray ny voninahitra

7.Ry Jesoa tafatsangana,
Mba atsangano izahay
Hanananay fiainana
Tsy manam-pahataperana

8.Deraina ny Ray Tsitoha
Ny Tompo tafatsangana
Sy Parakleto Masina,
Dia Trinité Isaorana

Amena