TELO-POLO taona teto,
Araka ny fombantsika
No nonenan’ny Mpamonju
Vao nandeha an-tsitrapo
Nanolorany ny Tena
Ho fanati-masina

2.He! ny fijalia-maro,
Tsilo, hombo, lefona,
Ratra dimy nampahory,
Hetaheta, aizina:
Ka nandeha Ra sy Rano
Tamin-danivoany

3.Ry Lakroa, ry soa indrindra,
Be ny haja ananao:
Tsy misy hazo ao an-ala
Azo oharina aminao:
Tianay hianao, ry Hazo,
Noho ilay Tena nentinao

4.Aoka ho foana re ry Hazo
Ny fahamafisanao,
Aoka hovana ny toetrao
Ho fahalemena izao,
Hitsaharan’ny Mpanjaka
Amim-piadanana

5.Sambo fiara namonjena
Olo-maro be taloha:
Indro ny Lakroa’zay tonga
Fiara tsara lavitra
Noho ny Ran’ny Zanak’ondry
Hosotry ny Hazo soa

6.Raisonao, ry Ray Tsitoha
Voninahi-dehibe:
Voninahitra mitovy
Raisonao, ry Zanaka,
Raisonao, ry Parakleto
Trinité Isaorana

Amena