Handohalika ny Ministera ka hiara-manao ny Fivavahan’ny Tompo izy sy ny olona..

RAINAY Izay any an-danitra Hohamasinina anie ny Anaranao: Ho tonga anie ny fanjakanao: Hatao anie ny sitraponao: Ety an-tany tahaka ny any an-danitra. Omeo anay anio izay hanina sahaza ho anay. Ary mamelà ny helokay, tahaka ny amelanay izay meloka aminay. Ary aza mitondra anay ho amin’ny fakam-panahy: Fa manafaha anay amin’ny ratsy: Fa Anao ny fanjakana sy ny hery ary ny voninahitra mandrakizay Amena.

Dia ataon’ny Ministera hoe:

Tompo ô, sokafy ny molotray

Valiny

Dia hanambara ny fiderana Anao ny vavanay

Ministera

Andriamanitra ô, faingàna hamonjy anay

Valiny

Tompo ô, faingàna hanampy anay

Dia hitsangana izy rehetra, ka ny Ministera no hanao hoe:

Ho an’ny Ray, sy ny zanaka : ary ny Fanahy Masina anie ny voninahitra:

Valiny

Tahaka ny hatramin’ny taloha, sy ankehitriny: ary mandrakariva, ho mandrakizay, doria. Amena

Ministera

Miderà ny Tompo hianareo

Valiny

Hoderaina anie ny Anaran’ny Tompo